Америкалик машҳур актёр ва телебошловчи Саудия Арабистонига ташриф буюрадилар

Маданият 21 Февраль 2017 6296

Америкалик машҳур актёр Аль Пачино ва дунёнинг энг машҳур телебошловчиларидан бири Опра Уинфри Саудия Арабистони кўнгилочарликлар бош бошқармаси томонидан ташкиллаштирилган тадбирлар доирасида қиролликка ташриф буюрадилар. Бу ҳақда бошқарма раҳбари Амр ал-Маданийга иқтибос келтирган ҳолда Al Arabiya телеканали хабар бермоқда.   

Ал-Маданийнинг айтишича, Аль Пачино Саудия Арабистонида  11-12 май кунлари бўлади. Актёр телешоуда иштирок этиб, саёҳатлари ва касбий фаолиятидаги муваффақиятлар ҳақида сўзлаб беради. Опра Уинфри эса сентябрда Жиддага ва декабрда Ар-Риёдга ташриф буюради. Телебошловчи аёллар учун кўрсатувда иштирок этиб, ОАВдаги иш тажрибаси билан бўлишади.

Бундан ташқари, Саудия Арабистонида 2017 йилда белгиланган кўнгилочар тадбирлар орасида Канаданинг машҳур Cirque du Soleil ва Катта Москва циркларининг томошалари бор.

Маълумот учун, Пачино бир маротаба "Оскар", 5 маротаба "Олтин глобус" мукофотини қўлга киритган, бир қатор киноматографик ва театр мукофотлари соҳиби.

Опра Уинфри эса АҚШнинг энг машҳур инсонларидан бири ҳисобланади: "Форбс" журнали ўтган йил декабрда уни АҚШнинг энг бой машҳурлари орасига киритган. Телебошловчи бу рўйхатда 2,8 млрд долларлик бойлик билан 3-ўринни эгаллаган ва бу борада режиссёрлар Жорж Лукас (4,6 млрд доллар) ва Стивен Спилбергдан (3,7 млрд доллар) кейин келмоқда.  

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 35553 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 74706 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 11258 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 140010 Жамият
Ироқ бош вазир: Талл-Афорда ИШИДга қарши ҳужум бошланди
09:12 9 Жаҳон
БМТ бош котиби Финляндиядаги терактни қоралади
09:07 24 Жаҳон
АҚШда юк машинасининг музлатиш камерасидан 60 нафар мигрант топилди
09:03 226 Жамият
Хитой соҳиллари яқинида иккита балиқ овловчи кема тўқнашиб кетди
08:53 231 Жамият
Исроил бош вазири Владимир Путин билан яқин кунларда учрашишни мўлжалламоқда
08:43 397 Жаҳон
Тинч океанида 1945 йилда чўктириб юборилган АҚШ крейсери топилди
08:34 1788 Жаҳон
Кўпроқ янгиликлар