Украинанинг Енакиев металлургия заводи ва «Краснодонуголь» кўмир бирлашмаси Донбасс темир йўл қатновининг тўсилиши ва ҳарбий ҳаракатлар туфайли ишлаб чиқаришни тўхтатди. Бу ҳақда украиналик бизнесмен Ринат Ахметовга тегишли бўлган «Метинвест» гуруҳи сайтида маълум қилинган

Таъкидланишича, ҳарбий ҳаракатлар бошланганидан бери ЕМЗ темир рудасини етказиб беришда узилишларга йўл қўймоқда. Ясиноватая – Скотоватая темир йўлида ҳаракатланиш чекланганидан сўнг, хом-ашё ва тайёр маҳсулотни ташиш умуман имконсиздир. 

Ҳозирда ЕМЗда вақтинчалик консервацияга тайёргарлик ишлари якунланган. «Краснодонуголь»нинг 6та конида ҳам ишлар тўхтатилган.