27 апрелда 50 ёшини нишонлайдиган Нидерландия қироли Виллем-Александр ўзи билан бир кунда таваллуд топган 150 нафар фуқарони туғилган кунига таклиф қилади, деб маълум қилинди қироллик сайройида.

Қиролнинг туғилган кунида меҳмон бўлиш учун махсус сайтда ёзилиш керак. 3 март куни керакли сондаги номзодларни танлаб олиш учун қуръа ташланади.

"Франс Пресс" ахборот агентлигининг таъкидлашича, номзодлар туғилган саналари тўғри келишидан ташқари, Нидерландияда камида 20 йилдан бери яшаб келаётган ва ёшлари 5 каррали бўлиши керак.   

Танлаб олинган номзодлар қирол ва унинг рафиқаси Максима билан байрам тушлигида иштирок этадилар. Бу маросим 28 апрелда Амстердамдаги қироллик саройида бўлиб ўтади.