Олтинкўлликлар товуқ боқиш ортидан нималарга эришиш мумкинлигини исботлашди

Жамият 21 Февраль 2017 21926

Бирор янги ва истиқболли лойиҳа бошланса, кўпчилик: “Кимдир юритиб фойда кўрсин, сўнг уринаман”, деган фикрга боради. Албатта, синалган ишнинг самарасидан воқиф бўлиб, сўнг бошлаган ҳам маъқул.

Имтиёзли кредит ҳисобига хонадонида парранда боқишни бошлаган Андижон вилоятининг Олтинкўл туманидаги Кўмакай қишлоғида яшовчи Акбаровлар оиласини йўқлаб бордик.

Уй бекаси Омадхон опа ўғли билан шинамгина уйи ертўласига жойлаштирилган товуқ катаклари олдида андармон, онасига қарашаётган Фаррухбек эса катаклардан тухумларни териш билан банд. Оила тумандаги тижорат банклари томонидан берилган имкониятдан фойдаланиб 200 дона зотли товуқ боқишни бошлаганига кўп бўлгани йўқ. Натижалар эса бир оила учун жуда салмоқли.

- Икки юзта товуқнинг 90 фоизи озиғини рацион асосида бериб турсангиз кунига тухум қилар экан, - дейди Омадхон опа. – Мана бу 130 дона тухумни ҳозиргина териб олдик, ҳали кечгача яна йиғамиз. 100 та товуққа кунига уч маҳал 17 килограмм озуқани (бир кунда бериладиган доннинг нархи ҳозирда 7 минг сўмга тўғри келяпти) 3 маҳал бўлиб  берилади. Ҳисоблаб чиқсак, оиламизга ойига ўртача 1 миллионга яқин соф даромад келар экан.

Олтинкўл саноат коллежи жамоаси муассасанинг ўзида товуқхона ташкил қилибди. Бундан кўзланган мақсад - ўқувчиларга парранда боқишни ўргатиб, соҳанинг сердаромад эканлигини амалий кўрсатиш. Таълим муассасасида 9 фоизлик имтиёзли кредит ҳисобига донаси 27000 сўмдан олиб келинган 100 дона товуқ замонавий катакларда парваришланмоқда. Товуқхона иқтисодиёт йўналишидаги дарс машғулотлари учун эса тайёр ва жонли кўргазмали қурол вазифасини ҳам ўтаётир.

Элмурод Эрматов, Андижон

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 38647 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 14106 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 90953 Ўзбекистон
Кекса немис Исландияга эски тракторда саёҳатга жўнади
ОАВ: МРБ Испанияда теракт тайёрланаётганидан огоҳлантирган
23:46 / 17.08.2017 471 Жаҳон
Янги ўқув йилида олий ўқув юртларида ўқиш учун контракт пули ошмайди
23:30 / 17.08.2017 2331 Ўзбекистон
Йўқолган никоҳ узук 13 йил ўтиб сабзида топилди
23:25 / 17.08.2017 3319 Жамият
Барселонадаги теракт гумондорлари қўлга олинди
23:20 / 17.08.2017 1495 Жаҳон
Хайрулла Нуриддинов МТРК раиси  ўринбосарлигидан кетди
23:15 / 17.08.2017 3701 Ўзбекистон
Фото: Австралияда дунёдаги энг кучли қуёш электростанцияси қурилади
23:10 / 17.08.2017 674 Технология
Кўпроқ янгиликлар