Pauerlifting va og‘ir atletika bo‘yicha Uzoq Sharq chempioni Ivan Savkin 288 tonnalik elektrovozni tortishning uddasidan chiqdi, deb xabar qilmoqda «Interfaks» agentligi.
«Ob-havo pand berdi. Ikkinchi urinishdan so‘ng elektrovoz 1,1 metrga tortildi. Sovuqda quyuqlashib qolgan moy ham qo‘shimcha yuk bo‘ldi», — degan Savkin.
Aktsiya Primoredagi Smolyaninovo qo‘rg‘onida bo‘lib o‘tgan. Sportchi videolavhani Ginness rekordlari kitobi rahbariyatiga yuborishni rejalashtirgan.
32 yoshli pauerlifter shu vaqtgacha ko‘p tonnalik parom, aerobus, teplovoz, zenit-raketa kompleksi, pritsepli harbiy tyagach, T-34 va T-54B tanklarini joyidan siljitishning uddasidan chiqqan.