Ҳиндистонлик 25 ёшли механик Абиш Доминик тахминан 47 сонияда 124 та кокосни қўли билан "паққос" ёриб, янги жаҳон рекордини ўрнатди. Рекордчи ҳаммаси бўлиб 145 та кокосга зарба берган, бироқ улардан фақатгина ёрилганлари инобатга олинган. Бу борадаги аввалги рекордни германиялик ўрнатганди, у бир дақиқа ичида 118 та кокосни ёриб ташлаганди. 

Daily Mail нашрининг таъкидлашича, Доминик бунгача қўллари билан хоккей клюшкалари ва ҳимоя шлемларини парчалай олиши, мактаб автобусига боғланган арқонни тишлари билан торта олиши каби "истеъдодлари" туфайли номи уч марта Гиннесс рекордлар китобидан жой олган. Доминик кокосларни ёриши видеосини Гиннесс рекордлар китобига жўнатди ва унинг саҳифаларидан 4-маротаба жой олишга умид қилмоқда.