Airbus аэрокоинот концернининг соф йиллик даромади 2016 йилда 995 млн еврони ташкил қилди ва бир йил аввалгидан 63 фоиз камроқ бўлди. Бу ҳақда 22 февралда компания сайтида маълум қилинди.

Даромаднинг кескин пасайиши А400М ҳарбий-транспорт самолётини яратиш дастури бўйича қўшимча харажатлар билан боғланган. Самолётда ҳаво винти редукторининг баъзи элементлари қизиб кетиши ва ишдан чиқиши муаммолари аниқланган. Компания шу сабабли самолёт конструкциясига ўзгартиришлар киритишига тўғри келган, бу эса концернга 2,2 млрд еврога айланган.

Фуқаролик самолётларидан кўрилган фойда 2,8 млрд еврони (2015 йилга нисбатан 2 фоиз кўпроқ), вертолётлардан кўрилган фойда эса 350 млн еврони (2015 йилга нисбатан 18 фоиз камроқ) ташкил қилган. Ҳисобот чоп этилгандан кейин компания акциялари 2 фоизга арзонлашган.

7 февралда Германия мудофаа вазири Урсула фон дер Ляйен парвозлари учун қўлланиши керак бўлган А400М самолёти биринчи рейси вақтидаёқ бузилиб қолгани маълум қилинганди. Мудофаа вазири самолётнинг бир двигатели ишламай қолгани сабаб ундан фойдалана олмаган.