АҚШ ва Канада кинотеатрларида «1984» фильми намойиш этилади. У Америка президенти Дональд Трампга норозилик сифатида кўрсатилади, деб ёзмоқда The Guardian нашри. Ўзига хос норозилик акциясига 90га яқин кинозаллар қўшилган. 

«1984» – Жорж Оруэлл қаламига мансуб шу номли роман асосида экранлаштирилган кинокартинадир. Унда Жон Ҳарт, Ричард Бертон, Сюзанна Ҳэмилтон, Сирил Кьюсаклар иштирок этган. Фильм режиссёри Майкл Рэдфорд.

Картина 4 апрелда намойиш этилади. Шу куни фильм қаҳрамони Уинстон Смит ўзининг ноқонуний кундалигида илк ёзувни қолдиради. 

Акция ташкилотчиларининг қайд этишларича, Оруэлл романидаги ўз далилларини сохталаштирадиган, тўлиқ бўйсунишни талаб қиладиган, хорижий душманларини йўқотадиган ҳукумат ҳозиргидек долзарблик касб этмаган.