Қаловини топсанг қор ҳам ёнар: Тошкентдаги дўконлар 1 мартгача 6 мингта терминал билан жиҳозланадиган бўлди

Ўзбекистон 22 Февраль 2017 20311

Тошкент шаҳридаги савдо нуқталари ва хизмат кўрсатиш пунктлари 1 мартгача қўшимча 5-6 мингта терминал билан жиҳозланади, деб маълум қилди Тошкент давлат солиқ бошқармаси бошлиғи Музаффар Пардаев. Бу ҳақда podrobno.uz нашри хабар бермоқда.
 
Пардаевнинг айтишича, Ўзбекистон Президенти Шавкат Мирзиёевнинг чакана савдо ва хизмат кўрсатиш соҳасида банк карталари бўйича тўловларни қабул қилувчи терминалларсиз фаолият юритишни тақиқлаш ҳақидаги янги қарорига кўра, терминаллар етишмаслигини аниқлаш бўйича терминаллар мавжуд бўлмаган объектлар инвентаризацияси олиб борилмоқда.    

"Биз 10 кун ичида инвентаризация ўтказишимиз керак. Ҳозир у 4-кун кетмоқда ва айни вақтда терминаллар билан таъминланмаганлик 1,7 минг донани ташкил қилмоқда. Ўйлашимча, янги қоидалар шартларини бажариш учун пойтахтлик тадбиркорларга қонуний ишлашлари учун 5-6 минг терминал етказиб беришимиз керак. Амалдаги қонунчиликка кўра, мамлакатимизда 12 турдаги пуллик хизмат ва 9 турдаги савдо фаолияти мавжуд. Биз инвентаризацияни шундан келиб чиқиб ўтказмоқдамиз", деб айтган Пардаев.    

Пардаев карта билан тўловларни амалга оширишда нархларнинг сунъий ошириб кўрсатилишига қарши кураш қандай боришини сўзлаб берди. Солиқ идоралари фуқаролардан келиб тушган шикоятларга кўра назорат харидлари ва рейдлар амалга оширмоқчилар. Бундан ташқари, қоидабузарлар банк маълумотларига кўра ҳам аниқланадилар. 

Қоидабузарлар ҳақида солиқчилар учун яна бир манба бўлиб солиқ тўловчиларнинг электрон базаси хизмат қилади. Пардаевнинг айтишича, мамлакатимиз солиқ идоралари бугунги кунда энг яхши ва энг тўлиқ маълумотлар базасига эга. Шунинг эвазига солиқчилар барча зарурий маълумотга эга бўладилар. 

Мисол учун, у ёки бу тадбиркорлик субъекти ўтган йили ёки ўтган ой қандай оборотга эга бўлгани, қанча пул топширгани ҳақидаги маълумотлар доимо муҳайё бўлади. Бу маълумотлар асосида тадбиркор қанчалик ҳалол ишлаётгани ҳақида ҳукм чиқарса бўлади. 

"Яшириб нима қиламиз, ҳозирда пластик ва нақд пулда тўловни амалга оширишда фарқ мавжуд. Бунга гувоҳ бўлиш учун узоққа бориш шарт эмас. Шунинг учун биз тадбиркорлар билан ишламоқдамиз ва улар тезроқ талабларни тушуниб, истеъмолчилар ҳуқуқларини камситмаган ҳолда қонунан ишлашларидан манфаатдормиз", деб ўз сўзларини якунлади пойтахтнинг бош солиқчиси. 

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 12436 Lifestyle
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 26502 Жаҳон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 46315 Жамият
Кун.uz офис изламоқда
15:48 / 06.08.2017 47355 Lifestyle
Ўзбекистон ва Қозоғистон ўртасида биринчи марта Ҳарбий ҳамкорлик режаси имзоланди
АҚШда ўлмайдиган бактериялар солинган ҳаво шарлари учирилади
15:18 330 Жаҳон
22 август куни Ўзбекистонда ҳаво ҳарорати юқори бўлади
АҚШ элчихонаси россияликларга виза беришни тўхтатади
14:53 1809 Жаҳон
Брюсселда автомобилни пиёдаларга қарата ҳайдаб боришга уринган ҳайдовчи ушланди
14:03 1800 Жаҳон
Комилов Деҳлида Ҳиндистон фан ва маданият арбоблари билан учрашди
Кўпроқ янгиликлар