Қозоғистон парламентининг қуйи палатаси (Мажилис) Қозоғистон ва Россия ўртасида Эмба полигонидан ижара асосида фойдаланишни тўхтатиш бўйича келишувни қайта кўриб чиқишни назарда тутувчи қонун лойиҳасини маъқуллади. Бу ҳақда РИА Новости хабар тарқатди.

2016 йилнинг октябрида РФ Мудофаа вазири Сергей Шойгу Қозоғистондаги Эмба полигонидан ижара асосида фойдаланиш бўйича Россия-Қозоғистон келишувини бекор қилиш ҳақидаги баённомани имзолаганди. Унга кўра, 300 минг гектардан ортиқ майдон ижара ҳудудидан чиқарилганди.

Депутатлар шунингдек, "Қозоғистон Республикаси ва Россия Федерацияси ўртасида Эмба полигонидан фойдаланиш бўйича ижара келишувини тўхтатиш меъёрлари бўйича баённомани ратификация қилиш тўғрисида"ги қонун лойиҳасини ҳам маъқуллашган.

Қозоғистон Мудофаа вазири Талгат Мухтаров "Эмба полигонидан фойдаланиш мажбуриятлари бўйича Россия томонига ҳеч қандай эътироз йўқлиги" ҳақида маълум қилган.

У шунингдек, Россия томони Қозоғистонга аввалроқ барча кўчириб бўладиган ва кўчмас мулкларни етказгани, ўз ихтиёрида фақат 308 минг гектар майдонни қолдирганини билдирган.

Эндиликда, Қозоғистон қонунчилигига кўра, қонун лойиҳаси Қозоғистон парламентининг юқори палатаси (Сенат)га кўриб чиқиш учун юборилади.