Интернетда Қозоғистоннинг ўн минг тенгелик пул қоғозлари ёниб кетгани тасвирланган фотосуратлар тарқалди, деб хабар бермоқда Tengrinews.kz нашри. Маълум бўлишича, банкоматни ўғирлаш бўйича омадсиз ҳаракатдан сўнг шундай воқеа содир бўлган. Ҳолат Олмаота вилоятининг Сариўзак посёлкасида жойлашган дўконлардан бирида юз берган.

Жиноятчилар пулларни олишга қанчалик уринишмасин, бунинг уддасидан чиқа олишмаган, бироқ бундай ҳаракат туфайли банкоматдаги қоғоз пуллар қисман ёниб кетган.

Олмаота вилоятининг ички ишлар департаменти расмий вакили Айман Мирзекованинг хабар қилишича, ҳодиса 18 февраль куни рўй берган.

"Сариўзак посёлкасида ҳақиқатдан ҳам шундай ҳодиса рўй берди. Бу ҳолат судга қадар суриштирув бўйича ягона реестрда қайд этилди. Бошқа тафсилотлар маълум эмас", - дея таъкидлаб ўтган Айман Мирзекова.