АҚШ президенти Дональд Трамп Россия билан террорчиликка қарши кураш ва иқтисодий масалалар бўйича "битим тузишга" уриниб кўради, деб айтди журналистларга АҚШ президенти матбуот котиби Шон Спайсер.

"Трамп агар Россия билан битим тузишга эришса, у битимни тузади, агар қила олмаса, йўқ. Бироқ у ҳаракат қилиб кўради. Фикримча, унинг тадбиркор ва музокарачи сифатидаги муваффақиятига у буни қила олишидаги ижобий белги сифатида қараш керак", деб айтди Спайсер.

"Агар биз ИШИДга зарба бериш бўйича, террорчиликка қарши кураш, иқтисодиёт ўсиши – умумий иқтисодий манфаатлар топа оладиган соҳаларимизда умумий позицияларни топа олсак, унда шундай қиламиз. Биз бу борада Россия билан ишлашни давом эттирамиз", деб қўшимча қилди Спайсер.

"Агар бу АҚШ манфаатига тўғри келса, у битимга эришади", деб ўз сўзларини якунлади  Спайсер.

Трамп сайловолди кампанияси доирасида Россия билан "тил топишиш" истагини билдирганди.