Россиядаги юқори мансабдор полициячини ўлдирган қотиллар узоқ муддатга озодликдан маҳрум этилдилар

Жамият 22 Февраль 2017 6162
Фото: vesti.ru

Россия суди Самара вилояти Сизран туманида яшовчи юқори мансабдор полициячи ва унинг оиласи қотиллиги бўйича жазо ҳукмини чиқарди. Ушбу иш бўйича ўтаётган барча судланувчилар – Маҳмадали Аҳмадов, Роман Фаталиев, Ислом Бобоев ва Орхан Зохрабов айбдор деб топилдилар. 

Жиноятчилардан бири, тожикистонлик Маҳмадали Аҳмадов ва Роман Фаталиев умрбод озодликдан маҳрум қилиндилар. Уларнинг ҳамтовоқлари Ислом Бобоев 25 йилга, Охран Зохрабов 26 йилга озодликдан маҳрум этилди. Тергов маълумотларига кўра, судланувчилар адвокатлари бу ҳукм устидан шикоят қилмоқчилар.

Тергов версиясига кўра, 2016 йил 24 апрелга ўтар кечаси қотиллар Самара вилояти Сизран туманидаги Ивашевка қишлоғидаги уйга бостириб кириб, у ерда уй эгаси – Россия ички ишлар вазирлигининг Самара вилояти бош бошқармаси бошлиғи ўринбосари, полковник Андрей Гошт ва унинг оила аъзоларини (ота-онаси, рафиқаси, укасининг рафиқаси, қиз жияни) ўлдирганлар ва яна бир кичик ёшли қизчани ўлдирмоқчи бўлишган.

Қотиллар жиноят қуроли сифатида иккита ёғоч тўқмоқ ва битадан фойдаланишган. Улар ҳеч нарсадан хабари йўқ, уйқуда бўлган қурбонларига шу қуроллар билан зарбалар беришган. Жиноятчилар уйдан 193 минг рубллик мулк билан воқеа жойидан ғойиб бўлишган, бироқ ҳуқуқ-тартибот муассасалари ходимлари томонидан дастлабки 10 кун ичида ушланишган. 

ОАВ маълумотларига кўра, тергов давомида барча айбланувчилар ўз айбларини қисман тан олганлар ва жиноят тафсилотлари ҳақида сўзлаб, тергов билан ҳамкорлик қилганлар.

Жиноятчилар устидан суд жараёни 2016 йил декабрида бошланган ва ҳукм чиқарувчилар иштирокида ёпиқ тартибда ўтказилган. Ҳукм чиқарувчилар барча судланувчиларни айбдор деб топганлар, бироқ Бобоев ва Зохрабовга юмшоқроқ ҳукм чиқаришган.

Гошт оиласи қотиллиги иши бўйича жабрланганлар судланувчилардан умумий ҳисобда 14 млн рубль ундириш ҳақида даъво аризалари берганлар.

Ушбу жиноятни тергов қилишга Россия тергов қўмитасининг энг тажрибали 89 нафар терговчиси ва криминалистлари жалб қилинганлар. 

Терговнинг ўрнатишича, 2016 йил апрелида Самара вилояти Шигон туманида яшовчи Ахмадов ва Фаталиев талон-тарожликлар амалга ошириш учун жиноий гуруҳ ташкил қилишган ва унга танишлари – Сизранда яшовчи Бобоев ва Зохрабовни жалб қилишган. Улар қурбон Гоштга тегишли уйни тасодифан танлашган ва у ерда полициячи яшашидан умуман бехабар бўлишган. 

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 35553 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 74706 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 11258 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 140010 Жамият
Ироқ бош вазир: Талл-Афорда ИШИДга қарши ҳужум бошланди
09:12 9 Жаҳон
БМТ бош котиби Финляндиядаги терактни қоралади
09:07 24 Жаҳон
АҚШда юк машинасининг музлатиш камерасидан 60 нафар мигрант топилди
09:03 226 Жамият
Хитой соҳиллари яқинида иккита балиқ овловчи кема тўқнашиб кетди
08:53 231 Жамият
Исроил бош вазири Владимир Путин билан яқин кунларда учрашишни мўлжалламоқда
08:43 397 Жаҳон
Тинч океанида 1945 йилда чўктириб юборилган АҚШ крейсери топилди
08:34 1788 Жаҳон
Кўпроқ янгиликлар