Исроил бош вазири Биньямин Нетаньяху Сингапурдан Сиднейга парвоз қилиш учун бир неча соат кўпроқ вақт сарфлади, у Индонезия ҳаво кенгликларини четлаб ўтган. Бу ҳақда The Guardian ёзмоқда.

Сингпурдан Сиднейга парвоз ўртача 8-9 соатни талаб этса, бортида бош вазир бўлган самолёт 11 соат учган. Бу Индонезия четлаб ўтилиши туфайли юз берган.

Нетаньяхуга хизмат кўрсатувчи “Эль Аль” компаниясига кўплаб мусулмон давлатлари ҳаво кенгликларига кириш тақиқланган. Индонезия эса мусулмонлар энг кўп истиқомат қиладиган мамлакат саналади – 240 миллион инсон. Давлатда Исроил билан ҳеч қандай расмий муносабатлар йўқ. Исроилнинг икки давлат ўртасидаги муносабатларни “яхшилаш” бўйича таклифларига Индонезия ҳукумати, алоқалар фақатгина “Фаластин мустақилликка” эришсагина, яхшиланишини маълум қилган.

Нетаньяху Австралияга биринчи расмий ташриф билан 22 февраль куни эрталаб етиб келди.