Ўзбекистон Савдо-саноат палатаси Швециянинг савдо ва инвестиция кенгаши «Business Sweden» билан ҳамкорликда Тошкент бизнес форуми ташкил этди. Мазкур форум доирасида Швециянинг Ўзбекистондаги фавқулодда ва мухтор элчиси И. Терсман (қароргоҳи Стокгольм шаҳрида жойлашган) раҳбарлигидаги Швеция бизнеси вакилларининг ташрифи амалга оширилди. Бу ҳақда Савдо-саноат палатаси матбуот хизмати хабар қилмоқда.

2017 йил 22 февраль куни «International Hotel Tashkent» меҳмонхонасида ўзбек-швед бизнес форуми ҳамда Швециянинг йирик компаниялари иштирокида кооперацион биржа бўлиб ўтди.

Анжуман ўтказилишидан кўзланган асосий мақсад икки мамлакат компаниялари ўртасида савдо алоқаларини йўлга қўйиш, Швеция компанияларининг Ўзбекистонда бизнес юритиш бўйича тажрибаларининг тақдимотини ўтказиш, янги қўшма корхоналарни ташкил этиш масалаларини муҳокама қилиш ва инвестиция лойиҳаларини ҳаётга татбиқ этишдир.

Делегация таркибига Швециянинг тоғ-кон, энергетика, телекоммуникация, транспорт ва инфратузилмаларни ривожлантириш соҳаларидаги йирик компаниялари вакиллари кирган.

Амалий учрашув чоғида икки мамлакат ишбилармонлари ўртасидаги ўзаро ҳамкорликни мустаҳкамлаш масалалари муҳокама этилди. Айни вақтда, Ўзбекистон-Швеция ўртасидаги ўзаро савдо кўрсаткичлари қуйидагича кўриниши олган (млн АҚШ доллари):

Таъкидланишича, бугунги кунда Ўзбекистонда Швеция сармояси иштирокида 8та корхона фаолият юритади. Ташқи иқтисодий алоқалар, инвестиция ва савдо вазирлигида Швециянинг битта компанияси рўйхатдан ўтган.