Урганч-Хива темир йўли қачондан ишга туширилиши маълум бўлди

Ўзбекистон 22 Февраль 2017 9779
Архив фотоси

“Ўзбекистон темир йўллари” компанияси Урганч-Хива янги темир йўл линиясини жорий йил якунига қадар йўлга қўйишни режалаштирмоқда, деб хабар берди компания бош муҳандиси Ҳуснитдин Ҳосилов Спутникка.

Унинг сўзларига кўра, янги темир йўл магистралининг узунлиги қарийб 30 километрни ташкил этади. У Хоразм вилояти маъмурий марказини бутун дунёга машҳур "очиқ осмон остидаги музей" – Хива билан боғлайди.

"Давлат раҳбари январь ойи охиридаги Хоразм вилоятига ташрифи давомида ушбу йўлни қуриш ҳақидаги ташаббусни илгари сурди. Давлат раҳбарининг топшириғидан бир кун ўтиб йўл қуриладиган ерга мутахассисларнинг махсус ишчи гуруҳи чиқди, “Ўзбекистон темир йўллари” таркибига кирувчи иккита лойиҳа институти эса янги магистралнинг лойиҳасини ишлаб чиқишни бошлади. Техника эса уч кун ўтиб ишларни бошлади”, - дея таъкидлаб ўтди у.

Эслатиб ўтамиз, Хивада лойиҳа доирасида замонавий вокзал қуриш ҳам назарда тутилган, у барча замонавий архитектура қарорлари ва музей-шаҳарнинг қадимий руҳидан далолат берувчи жиҳатлар билан уйғунлаштирилади.

Темир йўл линияси электрлаштирилади, келажакда эса бу ердан Talgo замонавий юқори тезликдаги поездлари қатнайди. Мутахассисларнинг фикрича, уни йўлга қўйиш минтақадаги йўловчи ва юк ташишлар салоҳиятини ошириб, сайёҳлар оқимининг кўпайишига олиб келади.

Аввалроқ Ўзбекистонда “Урганч-Хива” темир йўл линиясининг қурилиши бошлангани ҳақида хабар бергандик.

Кун янгиликлари
Абитуриент ҳикояси: “Мен ўқув маркази томонидан алдандим”
10:34 26316 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 41372 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 156091 Жамият
Кун.uz офис изламоқда
15:48 / 06.08.2017 44433 Lifestyle
«Уэмбли»даги тарихий учрашувда «Челси» ғалаба қозонди
22:20 106 Спорт
Озарбойжонлик дизайнер ўзбек хон-атласи ва шойиларини жаҳон подиумларига олиб чиқмоқчи
21:53 868 Жамият
Қатар Саудия Арабистонидан ҳаж зиёратчилари учун юборилган самолётларни ўз ҳудудига қўймади
21:48 2162 Жаҳон
Ҳиндистонда 70 минг долларлик бриллиантларни эгасига қайтарган ўсмир муносиб тақдирланди
21:31 2100 Жамият
АПЛ. «Ҳаддерсфилд» яна ғалаба қозонди
21:09 1465 Спорт
Японияда 74 ёшли альпинист ёрдам кутган ҳолда бир ҳафта шоколад билангина жон сақлади
21:07 1287 Жамият
Кўпроқ янгиликлар