Чилонзордаги ёнғин бўйича расмий хабар: Тафсилотлар ва талофатлар маълум

Ўзбекистон 23 Февраль 2017 163517

Тошкент шаҳар ИИББ Ёнғин хавфсизлик бошқармаси «KUN.UZ» сайти таҳририяти сўрови асосида Тошкент шаҳар, Чилонзор тумани, Ц-мавзеси, Чўпон Ота кўчаси 28А-уйда жойлашган маъмурий бинода содир бўлган ёнғин ҳақида махсус хабарнома тақдим этди.

Бундан олдин манба ушбу ёнғин Олий хўжалик суди биноларидан бирида рўй бергани ҳақида хабар берганди. Бу хабар тасдиқланмади. 

Аниқлик киритилишича, ёнғин Олий хўжалик суди биноси ортида жойлашган “Қишлоқ қурилиш лойиҳа” Давлат унитар корхонаси ташкилотига тегишли бинода рўй берган.

«2017 йилнинг 23 февраль куни соат 16дан 36 дақиқа ўтганда, Тошкент шаҳар ИИББ ЁХБ Марказий диспетчерлик хизматига, Чилонзор тумани, Ц-мавзеси Чўпон Ота кўчаси 28а-уйда жойлашган, маъмурий бинода ёнғин бўлаётганлиги ҳақида хабар тушган.

Кўрсатилган манзилга, соат 16дан 46 дақиқа ўтганда, Чилонзор туманини ёнғиндан муҳофаза қилувчи 16-ҲЁҲҚдан 2та жанговар ёнғин ўчириш автоэкипажлари етиб борган вақтда, бинонинг 1, 2 ва 3-қаватлари очиқ аланга билан ёнаётгани маълум бўлди ҳамда ёрдамга қўшимча ёнғин ўчириш автоэкипажларни чиқарилиши сўралди. 

Шунингдек, соат 17дан 13 дақиқа ўтганда, Ёнғин ўчириш раҳбари томонидан 2-махсус чақириқ эълон қилиниб, ёнғин жойига қўшимча равишда Чилонзор туманини ёнғиндан муҳофаза қилувчи 17-ҲЁҲҚдан 2та, Яккасарой туманини ёнғиндан муҳофаза қилувчи 21-ҲЁХҚдан 2та, Учтепа, Миробод ва Шайхонтоҳур туманларини ёнғиндан муҳофаза қилувчи 1,2,6 ва 13-ҲЁҲҚлардан биттадан ҳамда Ўзбекистон Республикаси ИИВ ЁХББ РИОдан 2та жанговар ёнғин ўчириш ва 3та махсус автоэкипажлари йўлланган. 

Жанговар автоэкипаж шахсий таркиби томонидан кўрилган чора ва тезкор ҳаракатлар натижасида, ёнғин 18дан 06 дақиқа ўтганда қуршаб олиниб, соат 18дан 16 дақиқа ўтганда бутунлай ўчирилишига эришилди. 

Ушбу, Чилонзор тумани, Ц-мавзеси Чўпон Ота кўчаси 28а-уйда жойлашган, бино “Қишлоқ қурилиш лойиҳа” Давлат унитар корхонаси ташкилотига қарашли бўлган, 2006 йилда олди-сотди шартномаси асосида, бинонинг 1, 2 ва 3-қаватлари “Hamza Colleсtion” МЧЖ томонидан, 4-қавати “ДИ-Ихлос” МЧЖ томонидан ҳамда 5-қавати “Ўрмон хўжалиги лойиҳа институти” томонидан сотиб олинган. Шунингдек, бинонинг шарқий қисмида Тошкент вилояти Прокуратураси жойлашган.  

Ёнғин оқибатида маъмурий бинонинг 1, 2, 3-қаватлари тўлиқ 800 кв.метр майдонида ёнган, 4 ва 5-қаватларининг ташқи қисмлари ёнғиндан қисман зарар кўрган.  

Чилонзор тумани, Ц-мавзеси Чўпон Ота кўчаси 28а-уйда жойлашган, бинонинг 1, 2 ва 3-қаватлари “Hamza Collektion” МЧЖга қарашли бўлиб, раҳбари Х.Х.Хушвақтов, 4-қават “ДИ-Ихлос” МЧЖга қарашли, раҳбари Д.А.Панжиева, 5-қават “Ўрмон хўжалиги лойиҳа” институтига қарашли, раҳбари Ў.Т.Давронов. 

Ёнғин сабаби ва келтирилган моддий зарар миқдори аниқланмоқда.  

Бундан ташқари, ёнғин вақтида ёнғин ўчирувчилар томонидан 70 нафар ишчи-хизматчилар қутқарилиб, шулардан 14 нафари Республика Шошилинч тез тиббий ёрдам кўрсатиш марказига олиб борилган ва уларга биринчи тиббий ёрдам кўрсатилган ҳамда 2 нафар ишчи-хизматчи травматология бўлимига жойлаштирилган (булардан 1 нафарига биринчи тиббий ёрдам кўрсатилиб, аҳволи яхши бўлганидан сўнг уйига юборилган, 1 нафарига умуртқа поғонасининг лат ейиши ташхиси қўйилган). Ҳозирда уларнинг аҳволи қониқарли.  

Ёнғин содир бўлган жойга, Ўзбекистон Республикаси ИИВ, ИИВ ЁХББ раҳбарияти, Тошкент шаҳар ИИББ, ИИББ ЁХБ раҳбари ва масъул ходими, ЁТЛ ходимлари, ЁЎШ навбатчи гуруҳи, шаҳар ва туман прокуратураси раҳбарлари, туман ИИБ, ИИБ ЁХБ раҳбарлари чиқишган.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 29723 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 16096 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 64098 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56988 Жамият
Ғазабланган россиялик 46 минг рубллик қарзини копейкаларда тўлади
09:20 467 Жамият
Ҳиндистонда йўловчи поезди вагонлари рельслардан чиқиб кетди, жабрланувчилар кўп 
09:19 157 Жаҳон
Демократлар Трампнинг эҳтимолий рақобатчилари ҳақида маълум йиғмоқда
09:11 155 Жаҳон
Аргентина олий суди собиқ президентга қарши давлатга хиёнат бўйича терговни қўллаб-қувватлади
09:09 416 Жаҳон
Мексика жанубида тутқунликдаги 37 нафар гватемалик муҳожир озод қилинди
09:04 162 Жаҳон
McDonalds Ҳиндистондаги 170 га яқин ресторанини ёпади
08:57 1296 Жаҳон
Кўпроқ янгиликлар