23 февраль куни, соат 16:30да Фарғонадаги «Фарғонаазот» корхонаси ҳудудидаги аммиак цехида таъмирлаш-монтаж ишлари вақтида портлаш рўй берган.

Фавқулодда вазиятлар вазирлиги маълумотига кўра, портлаш оқибатида қурбон бўлганлар бор. Қурбонлар сони аниқ келтирилмаган.

Ҳодиса сабабларини ўрганиш учун ҳукумат комиссияси тузилган. Жабрланувчиларнинг оилаларига зарур ёрдамларни кўрсатиш бўйича кўрсатма берилган.

«Кун» манбасининг хабар беришича, завод жойлашган ҳудуд аҳолисига эҳтиёт чоралари кўриш, жумладан юзни ниқоб билан ўраш тавсия этилган.