Жаҳон Ҳижоб куни муносабати билан канадалик бир гуруҳ аёллар мусулмон опа-сингилларини қўллаб-қувватлаш мақсадида бир ой давомида ҳижоб кийишга аҳд қилишди. Улар буни бугунги кунда Шимолий Америка ва дунёнинг бошқа бурчакларида исломофобиянинг ўсиши билан изоҳлашди. Бу ҳақида мамлакатдаги CBC телеканали ва миллий радиоканалларда хабар қилинди. 

Уларга кўра, Альберт провинциясида яшовчи етти аёл "Sisterhood of the hijab" номли ташаббус доирасида ислом тамойилларига кўра, бир ой давомида бош қисмлари ва таналарини ёпиб юришга ҳамда спиртли ичимликлар  ичмасликка аҳд қилишган. 

Маълум бўлишича, рўмол ўраш аёлларга МакМюррейда яшовчи мусулмонлар билан дўстона алоқа ўрнатишга имкон берган. 

Канадада 1 053 945 нафар ислом динига мансуб аҳоли истиқомат қилади, бу мамлакат аҳолисининг 3,2 қисмини ташкил қилади. Манбага кўра, бу мамлакатда ҳар беш кишидан биттаси - хорижлик.