Жанубий Кореядаги йўллардан бирида юк машинаси ҳайдовчиси йўлда кетаётганда тўсатдан бошқарувни йўқотиб, ёнбошлаганча икки ғилдиракда бир неча сония юриб, катта тонналик машинани нормал ҳолатга қайтара олди.

Ушбу ҳолат тасвирланган видеога кўра, юк машинасининг тўсатдан ғилдираги ёрилиб кетган. Бунинг оқибатида машина ёнбошлаб қолган ва ағдарилиб кетишига бир бахя қолган. Бироқ ҳайдовчининг моҳирлиги туфайли машинанинг мувозанати сақланиб қолинган: машина 45 градусга ёнбошлаб, икки ғилдиракда  бир неча метр масофа юргач, ҳайдовчи уни яна 4 та ғилдиракка қўя олган.