Австралияда шифокорлар дунёдаги энг заҳарли ўргимчак ҳисобланувчи Сидней ўргимчаги чақишидан бир боланинг ҳаётини сақлаб қолишди. 

Воқеа Беркли Вейл шаҳарчасида юз берган. 10 ёшли Мэтью Митчел омборда отасига тартиб ўрнатишда ёрдам бераётганда бирданига бармоғида оғриқ сеза бошлаган. Бироздан кейин болада титроқ бошланиб, унинг оғзидан кўпик кела бошлаган.

Боланинг отаси уни зудлик билан маҳаллий шифохонага олиб борган. У ерда болага заҳарга қарши дорининг 12 та инекцияси юборилган. Антидотнинг (заҳарга қарши дори) мумкин бўлган дозаси 3 мартага ошириб юборилган.

GETTY IMAGES

Воқеа жойида топилган ўргимчак Австралиянинг судралиб юрувчилар боғига жўнатилган. У ерда ўргимчакдаги барча заҳар бартараф этилади.  

Боғ директорининг айтишича, бу вазиятда Мэтьюнинг "ақл бовар қилмас даражада омади келган".