Германиянинг Зенкенберг институти мутахассислари Янги Зеландияда қадимий улкан пингвиннинг суякларини топишди. Уларнинг фикрича, бу жонивор ва унинг аждоди Ерда динозаврлар даврида яшаган. Бу ҳақида VistaNews сайтида хабар берилди. 

Янги Зеландиядаги ороллардан бирида пингвинга ўхшаш улкан жониворнинг қолдиқлари топилган. Унинг бўйи тахминан 1,5 метрни ташкил қилган. Суяк қолдиқлари орасида учмайдиган қушнинг панжа қисмлари топилган. 

Тадқиқотчилар топилмани батафсил ўрганиб, унинг ёшини аниқлашди. Маълум бўлишича, у тахминан 61 миллион йил аввал, яъни динозаврлар даврида яшаган. Бу топилма қушлар ва учмайдиган жониворлар эволюциясини қайта кўриб чиқиш имконини берди.