Фарғона тумани аҳолисининг бўш вақтларини мазмунли ташкил этиш, миллий ҳунармандчилик анъанларини ёшлар ўртасида кенг тарғиб қилиш ва оилавий тадбиркорликни рағбатлантириш, айниқса, ёшларни ёд ғоялар таъсиридан сақлаш, уларда ватанпарварлик ҳиссини янада кучайтириш ҳамда Ўзбекистон Республикасида ёшларга оид давлат сиёсатини амалга оширишга қаратилган дастурлар ижросини таъминлаш мақсадида тумандаги “Ҳунарманд” уюшмаси томонидан “Камолот” ёшлар ижтимоий ҳаракати туман Кенгаши, туман ҳокимлиги, туман Маданият ва спорт ишлари бўлими ва бир қатор мутасадди ташкилотлар билан ҳамкорликда “Миллий либос – маънавиятимиз кўзгуси” мавзусида кўрик-танловнинг туман босқичи ташкил этилди. Бу ҳақда туман ҳокимияти Kun.uz’га хабар бермоқда. 
 
Кўрик-танловда тумандаги аёллар либосларини тайёрловчи тадбиркор ва ҳунарманд аёллардан 36 нафари иштирок этиб, шундан 10 нафари ғолибликни ва танловнинг кейинги босқичига йўлланмани қўлга киритишди.