Малайзия ҳукумати Куала-Лумпур халқаро аэропорти ва бир қатор бошқа объектларни “радиоактив” материалларга текширувдан ўтказмоқчи. Бу ҳақда Ким Чен Нам қандай заҳарли модда билан ўлдирилгани маълум бўлгач, полиция раҳбари маълум қилган, деб хабар бермоқда Reuters.

«Биз гумонланувчилар борган барча жойларни текширувдан ўтказишни мўлжаллаганмиз. Шунингдек бизга ядро энергетикаси департаменти мутахассислари ҳам кўмак беради. Бу ишлар радиоактив материал изи қолганини аниқлаш учун ўтказилади», - дея хабар берди Малайзия полицияси бошлиғи Ҳолид Абу Бакар.

Агентликнинг таъкидлашича, полиция Шимолий Корея етакчиси Ким Чен Иннинг ўгай акаси Ким Чен Нам қотилли бўйича ишда илк бора “радиоактив материал" сўзларини ишлатган. 

Аввалроқ Ким Чен Ин акаси қотиллигида қандай заҳарли модда қўллангани аниқлангани ҳақида хабар бергандик. Маълум қилинишича, унга асаб-фалажловчи таъсирга эга бўлган кимёвий қурол VX Nerve Agent орқали суиқасд қилинган.