Эрон Вашингтон томондан "расмий огоҳлантириш" қилинганига қарамасдан, минтақада ўзини тутишини ўзгартирмади, деб айтди 23 февралда АҚШ қуролли кучлари штаблари бошлиқлари қўмитаси раиси, генерал Жозеф Данфорд Брукингс институтидаги нутқида.

"Мен Эрон хатти-ҳаракатларида бирор-бир ўзгариш сезмадим. Менинг фикримча, Эрон биринчи навбатда бутун минтақа бўйлаб салбий таъсир тарқатувчиси ҳисобланади", деб айтди Данфорд.

"Биз уларнинг Сурияга таъсирини кўрмоқдамиз, уларнинг Ливанга, Ироққа ва бошқа минтақаларга салбий таъсирини қайд қилмоқдамиз. Охирги ойда мен ҳеч қандай ўзгариш сезмадим", деб қўшимча қилди генерал.
 
Данфорд шу билан бирга унинг фикрича "Ислом инқилоби қўриқчилари" корпусини (Эрон қуролли кучларининг сара қисмлари) террорчилик ташкилотлари қаторига киритиш керак-керакмаслиги ҳақидаги саволга жавоб бермади. Унинг айтишича, унинг мажбуриятларига фақатгина ҳарбий  муаммолар, жумладан, Ўрмуз бўғозида эркин навигацияни таъминлаш киришини айтди.