Мунтазам равишда спиртли ичимлик истеъмол қилиш артерияларнинг шиддат билан қаришига олиб келар экан. Бу айниқса эркакларга тааллуқли. Америка Кардиология ассоциациясининг шунга доир тадқиқоти ҳақида "Ортодокс" тиббий портали хабар берди

Кардиологлар кўп йиллар давомида 3 869 нафар кишини кузатишди, уларнинг 70 фоизи эркаклардан иборат бўлган. Экспертлар анча йиллардан бери спиртли ичимлик истеъмол қилувчи кўнгиллилар аҳволини алоҳида қизиқиш билан ўрганишди. Тадқиқотнинг барча иштирокчиларида ҳар 4-5 йилда артерияларнинг ҳолати текшириб борилди. 

Маълум бўлишича, кўп йиллар давомида ҳафтасига 112 граммдан кўпроқ этанол (масалан, 1 литр пивода 40 граммча этанол бўлади) истеъмол қилган кишиларда артериялар эластиклиги пасайган. Бу нормал қон айланишини бузади ва юрак-қон томир касалликлари, шунингдек юрак хуружи ва инсульт хавфини оширади.