АҚШ жанговор авиация қўмондонлиги раҳбари Герберт Карлайл Пентагон Яқин Шарқда ИШИД террорчилик ташкилоти билан кураш учун F-35 қирувчиларини жойлаштириши ҳақида маълум қилди. Бу бир неча йиллардан сўнг рўй беради, дея ёзмоқда Defense News.

«Яқин Шарқда жойлаштириш (F-35 қирувчиларини – таҳ.) албатта рўй беради, бу бир неча йилдан кейинга режалаштирилган», - деди у.

Шунингдек унинг таъкидлашича, Европа ва Осиё-Тинч океани ҳудудига ҳарбий самолётларни кичик ҳажмларда етказиб бериш шу баҳордаёқ амалга оширилиши мумкин.

Карлайлнинг сўзларига кўра, F-35’нинг Яқин Шарқда мавжудлиги АҚШ ҳарбий ҳаво кучларига Сурия ва Ироқдаги ҳарбий амалиётларда жиддий ёрдам бериши мумкин.

Аввалроқ Герберт Карлайл АҚШ ҲҲК илк бор ўзининг F-35A бешинчи авлоддаги қирувчи-бомбардимончиларини Европа ҳудудида 2017 йилнинг баҳори ёки ёзида жойлаштиришини маълум қилганди.