Ироқда 4 минг жасад кўмилган оммавий қабр топилди

Жаҳон 25 Февраль 2017 20089
AFP 2017/ Delil Souleiman

Ироқда Мўсул яқинида тахминларча 4 минг жасаддан иборат энг йирик оммавий қабр топилди, деб хабар бермоқда Telegraph нашри. Ҳозир бу ерда ИШИДга қарши операция ўтмоқда.

Нашрнинг ёзишича, Мўсулни Ироқ пойтахти Бағдод билан боғловчи йўл яқинида, Хасфа туманида катта ўра жойлашган. ИШИД жангарилари 2014 йилда асирга олинган ироқлик ҳарбийларни ўлдириб, уларнинг жасадларини шу ўрага ташлаган. Маҳаллий аҳолининг айтишича, Хасфада қотилликлар ИШИД 2014 йил ёзида Мўсулни эгаллаб олгандан 6 ой ўтиб бошланган. 

Гувоҳларнинг айтишича, кўпчилик қурбонлар отиб ўлдирилган. Уларнинг айтишича, ўранинг чуқурлиги унга жасадлар ташланишидан аввал 400 метрдан кўпроқни ташкил қилган. Бу воқеаларнинг гувоҳлардан бири бўлган Маҳмуднинг айтишича, жангарилар уни бир кун ичида 2 мингга яқин полициячи ва ҳарбийларни оммавий қатл этишларини кузатишга мажбур қилишган. Қурбонлар орасида унинг қариндоши ҳам бўлган. Маҳмуднинг айтишича, яна бир ҳолатда ўрага ичида язидлар бўлган автобус ағдариб юборилган. 

2015 йил июнда жангарилар ўрани юк контейнерлари ва бетон деворлар бўлаклари билан тўлдириб устидан тупроқ тортиб, кўмиб юборишган.

Бир ҳафта олдин Ироқ бош вазири Ҳайдар ал-Ободий Мўсулнинг ғарбий қисми жангарилардан озод қилиниши бошланганини эълон қилди. 24 февралда Ироқ ҳукумат кучлари ҳарбий база ва Мўсул жанубидаги қишлоқни қайтариб олишган ва шаҳар ғарбидаги турар жой мавзеларига киришган ҳамда аэропортни тўлиқ назоратларига олишган. Бундан аввалроқ Мўсулнинг шарқи тўлиқ озод қилинганди.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 4782 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 5654 Жамият
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 21123 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 49948 Жамият
Келажак мевалари: фарғоналик бемор онанинг икки нафар норасида фарзандига ёрдам қўлини чўзайлик
23:59 / 21.08.2017 5799 Жамият
Барселоналик террорчини йўқ қилишда синчков аёл ёрдам берди
23:57 / 21.08.2017 3693 Жаҳон
Шимолий Кореяга қочиб кетган охирги америкалик ҳарбий вафот этди
23:34 / 21.08.2017 6166 Жаҳон
Хитой хорижий инвестицияларга чеклов жорий қилди
23:08 / 21.08.2017 3241 Жаҳон
Дайжест: Самарқандда ҳокимлар алмашинуви, гўшт импорти учун имтиёз, Асакадаги заводда танаффус ва куннинг бошқа хабарлари
22:59 / 21.08.2017 5096 Жаҳон
Қозоғистонда ўзбек автомобиллари ишлаб чиқарилиши кенгайтирилиши мумкин
22:48 / 21.08.2017 4759 Технология
Кўпроқ янгиликлар