Kiprda 11 yil muqaddam izsiz g‘oyib bo‘lgan 20 yoshli Buyuk Britaniya fuqarosi Stiven Kukning jasad qoldiqlari topildi. Bu haqda mahalliy ommaviy axborot vositalari xabar tarqatdi.
Aniqlik kiritilishicha, suyaklar 16 fevral kuni Malia qishlog‘ida mahalliy aholi vakillari quduqni tozalash ishlarini boshlashgach topilgan.
Genetik tahlil halok bo‘lgan inson izsiz g‘oyib bo‘lgan britaniyalik ekanini tasdiqladi. Suyaklar Kukka tegishli ekanini uning akasi ham tasdiqlagan.
Xabar qilinishicha, quduqda charm kamar va kamera ham topilgan. Erkakning o‘limiga nima sabab bo‘lgani hozircha noma'lum.
