Маҳаллий йўл таъмирловчилар автомобиль йўлларини таъмирлашнинг ўта “ноёб” усулини ўйлаб топишди – чуқурчаларни оддий лой билан тўлдириб қўйиш. Агарда бунга ўзингиз ишонч ҳосил қилмоқчи бўлсангиз, Чилонзор, Бектемир ва Юнусобод туманларидаги йўлларга бир назар ташланг.

Ҳақиқатдан ҳам ноёб усул – арзон, тез, ҳеч қандай техника керак эмас, бир, икки ва чуқурча йўқ. Фақатгина битта камчилик бор – таъмирлаш узоқ вақтга етмайди, бироқ бизда лой билан ҳеч қандай муаммолар йўқ.

Умид қиламизки, бу амалиёт “Ўзавтойўл”ни тугатиш ҳамда Ўзбекистон Республикаси автомобиль йўллари бўйича Давлат қўмитаси, шунингдек йўл-қурилиши ишлари сифатини назорат қилиш бўйича Давлат инспекцияси ташкил этилиши билан тарихга айланади.

Фото: Facebook/Водители Ташкента