Brabus ательеси Женевадаги автосалонда Mercedes-AMG S63 ҳашамали кабриолети учун янги тюнинг-дастурни тақдим қилади.

Модернизация қилинган модел тўлиқ номи Brabus 850 6.0 Biturbo Cabrio каби янграйди. Машина номидан унга асос сифатида 6 литрли V12 двигателли S65 версия олинганини тахмин қилиш мумкин, бироқ ателье ходимлари 5,5 литрли 8 цилиндрли двигателни 5,9 литрли ҳажмга келтиришган.

Бундан ташқари, Brabus’да турбокомпрессорлар янгисига алмаштирилди. Шунингдек, каттароқ ўлчамдаги карбон ҳаво тўплагичлар, янги чиқинди чиқариш тизими ўрнатилди.  

Қилинган ишлар натижасида двигатель қуввати 850 от кучигача ошди. Бу двигатель билан биргаликда 7 поғонали автоматик узатмалар қутиси ва тўлиқ привод тизими ишлайди. Модернизацияланган двигатель икки тонналик машинани 0 дан 100 км/соат тезликка 3,5 сонияда ва максимал тезлик 350 км/соат га эришиштиради. 

Brabus, шунингдек, кузов обвесининг бир қатор карбон элементлари ва янги ғилдираклар ҳамда салоннинг кенг кўламда персоналлаштиришни таклиф қилмоқда. Мисол учун, интерьерни қора ва қизил чарм билан безаш шулар жумласидандир.