Андижон шаҳрида ҳаракат хавфсизлигини таъминлаш учун, фуқаролар ва пиёдалар ҳамда болалар иштирокидаги йўл-транспорт ҳодисалари олдини олиш мақсадида ўзига хос чора кўрилди. 

Бу шаҳарда пиёдалар ўтиш йўлаклари қоронғу тушгач, чароғон бўлиб туради. Бу эса тунда транспорт воситаси ҳайдовчилари эътиборини ошириб, ҳушёрликка ундайди.

Миллий тикланиш кўчасидаги 1-умумий таълим мактаби олдидаги пиёдалар ўтиш жойи ва бошқа ҳудудларда ана шундай ёғду таратувчи йўлакчаларни кўриш мумкин. Бундан ташқари, вилоят ЙҲХБ ташаббуси билан таълим муассасалари яқинида йўлнинг қатнов қисмига cариқ ранг билан “мактаб”, “школа” ёзувлари туширилган.