Малайзия соғлиқни сақлаш вазирлиги мутахассислари Ким Чен Намнинг танасида ва Куала-Лумпур аэропортида ўтказилган текширувлардан кейин VX химик моддаси унинг ўлимига сабаб бўлганини тасдиқлади. Бу ҳақда Малайзия соғлиқни сақлаш вазири Субраманиама Сатхасивамага асосланган ҳолда Ассосиэйтед Пресс агентлиги хабар тарқатди.

Бундан олдинроқ Ким Чен Намга асаб-фалажловчи таъсирга эга бўлган кимёвий қурол VX Nerve Agent қўлланган ҳолда суиқасд қилингани ҳақида хабар берилганди.

КХДР фуқаросига 13 февраль куни Куала-Лумпур аэропортида суиқасд қилинди. Шундан сўнг Жанубий Кореядагилар бу КХДР раҳбари Ким Чен Иннинг акаси Ким Чен Нам эканини эълон қилишди ва бу қотиллик шимоллик агентлар томонидан содир этилганини маълум қилишди.