«Тоттенҳэм» АПЛнинг 26-тури доирасида «Сток Сити»га қарши учрашув ўтказди. Бу ўйин Лондондаги «Уайт Ҳарт Лэйн» стадионида бўлиб ўтди ва мезбонларнинг 4:0 ҳисобидаги ғалабаси билан якунланди. 

Ўйиннинг биринчи бўлимидаёқ Ҳарри Кейн 3та гол урди, яна бир гол у берган пасдан кейин Деле Алли ҳисобига ёзилди - 4:0.

Бу натижа иккинчи бўлимда ҳам сақланиб қолди, бу ғалабадан кейин «Тоттенҳэм» ҳисобидаги очколар сони 53тага етди ва жамоа «Манчестер Сити»ни (52) қувиб ўтиб, турнир жадвалида иккинчи ўринга кўтарилди. Турнир жадвалида «Челси» етакчиликни давом эттирмоқда (63), «Сток Сити» 32 очкоси билан 10-ўринга жойлашган.

Тоттенҳэм – Сток Сити 4:0
Голлар: 1:0 – 14 Кейн, 2:0 – 32 Кейн, 3:0 – 37 Кейн, 4:0 – 45 Алли.
Тоттенҳэм – Льорис, Вертонген (Уинкс, 66), Дэвис, Уокер, Алдервейрелд (Виммер, 49), Дембеле, Дайер, Алли, Ваньяма, Эриксен, Кейн (Сон Хин Мин, 86).
Сток Сити – Грант, Шоукросс, Питерс, Бардсли, Мартинс Инди, Аллен, Адам (Афеллай, 60), Собҳи, Уэлан (Кэмерон, 82), Арнаутович, Крауч (Берахино, 60).
Огоҳлантиришлар: Уэлан (20), Адам (25), Арнаутович (39), Виммер (67), Ваньяма (90).