Қирғизистон собиқ президенти мухолифат етакчисининг қўлга олинишини қувғин деб атади

Жаҳон 27 Февраль 2017 8653

Қирғизистон собиқ президенти Роза Отунбоева парламентдаги мухолиф “Ата Мекен” партияси етакчиси Омурбек Текебаевнинг қўлга олинишини сиёсий қувғин, деб атади ҳамда уни дарҳол озод этишга чақирди. Қирғизистон ОАВлари душанба куни унинг баёноти ҳақида хабар беришди.

Текебаев Қирғизистон миллий хавфсизлик давлат қўмитасининг вақтинчалик сақлаш изоляторида ўзига нисбатан суднинг эҳтиёт чораси кўриш ҳақидаги қарорини кутмоқда. У Бишкек аэропортида Венадан ЕҲХТ парламент ассамблеясидан қайтаётган чоғида якшанба куни қўлга олинди. Аввалроқ республика бош прокуратураси Текебаев ва бир қатор бошқа шахсларга нисбатан “коррупция” ва “фирибгарлик” моддалари бўйича жиноят иши қўзғатди. Бу ҳолат россиялик тадбиркор Леонид Маевскийнинг аризасидан сўнг амалга ошди. Маҳкама маълумотларига кўра, у Текебаев 2010 йилда, Қирғизистон вақтинчалик ҳукумати раиси ўринбосари бўлган пайтда ундан миллион долларни йирик маҳаллий уяли оператор - “Альфа Телеком”ни бошқариш имконини тақдим этиш мақсадида олганини иддао қилмоқда. Маевский иштирок этган сўроқ видеоси интернетда тарқалди.

"Жўгори Кенеш депутати, давлат арбоби, “Ата Мекен” фракцияси етакчиси Текебаевнинг самолёт трапи ёнида худди хавфли террорчи каби қўпол равишда қўлга олиниши, мамлакатдаги ҳукуматнинг ортга қайтариб бўлмас ўзгаришидан далолат берди. Сиёсий қувғин нафақат ҳибсга олишнинг ўзи, балки шахсни обрўсизлантириш бўйича тарғибот машинасининг қандай ишлаётгани ҳамдир. Ишончсиз гувоҳларнинг кўрсатмалари давлат ОАВлари орқали кенг омма онгига сингдирилмоқда. Бу айбсизлик презумпциясини бутунлай менсимаслик”, - дея таъкидланади 2010 йилда собиқ президент Қурмонбек Бакиев ҳокимият тепасидан ағдарилганидан сўнг Қирғизистон вақтинчалик ҳукуматини бошқарган Отунбоева баёнотида.

Отунбоеванинг фикрича, Текебаев Қирғизистоннинг демократик ривожланишига “бебаҳо ҳисса қўшган бўлиб”, 20 йил давомида “ҳаётини хавф остига қўйиб бошқарувнинг оилавий-гуруҳ шаклига қарши курашган”. “Жамоатчилик Омурбек Текебаевни дарҳол озод этилиши ҳамда сиёсий таъқибларни тўхтатишни ҳақли равишда талаб қилмоқда”, - дея маълум қилди у.

Собиқ президент президентлик сайловларидан аввал барча сиёсий кучларни “фуқаролик мажбурияти, ҳушёрлик ва вазминликни” намойиш этишга, ҳукуматни эса – ақл ва жавобгарликка чақирди. “Барча сиёсий кучларга умумий мулоқот, мамлакатдаги вазиятни таҳлил қилиш учун кенг қамровли сиёсий маслаҳатлашувларни бошлаш билан мурожаат қилмоқдаман”, - деди Отунбоева.

РИА Новости’нинг "Ата-Мекен" партиясига асосан хабар беришича, Қирғизистон парламентида айни дамда мухолифат етакчиси қўлга олиниши юзасидан палатанинг навбатдан ташқари йиғилишини чақириш ҳақидаги фракция таклифи муҳокама қилинмоқда.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 34847 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 73393 Ўзбекистон
Судьянинг нохолислиги ёки давлат телеканалининг “шохи” борми?
19:21 / 17.08.2017 138099 Жамият
Шавкат Мирзиёев: «Пастга тушиб, одамларнинг дарди билан яшаш — яккаю ягона ва энг улкан мақсадимиздир»
А серия. «Наполи» ҳам ишончли ғалаба билан старт олди
03:03 770 Спорт
Гулистон туманидаги намунали уйларнинг намунасиз кўчалари. Мутасаддилар бунга нима дейди?
02:35 2987 Жамият
Виталий Денисов футболга қайтганидан хурсанд
02:29 1740 Спорт
«Агробанк» ҳақми ёки биолаборатория? Зарбдордаги чигал муаммони ким ҳал қилади?
02:25 2192 Жамият
«Ўзбекистонда болалар кейинги 5 йил мобайнида боғчага 100 фоиз жалб қилинади» — Президент
Ла-лига. «Атлетико» бир киши кам бўлиб, мағлубиятдан қутулиб қолди
01:56 1399 Спорт
Кўпроқ янгиликлар