Аҳолига қабул қилинган қонун ҳужжатларининг мазмун-моҳиятини тушунтириш, уларнинг муаммо ва таклифларини эшитиб уларга ҳуқуқий ёрдам кўрсатиш мақсадида Қорақалпоғистон Республикаси Адлия вазирлигида ҳафтанинг ҳар жума куни “Очиқ эшиклар куни” ўтказилиши белгиланиб, масъул ходимлар иштирокида алоҳида жадвал тасдиқланган ва ҳар ҳафтанинг жума куни фуқаролар қабул қилиниб, уларнинг муаммо ва таклифларини эшитиб ҳуқуқий ёрдам кўрсатиб келинмоқда. Бу ҳақда тарғибот ва ҳуқуқий маърифат бўлими етакчи маслаҳатчиси И. Алдабергенов маълумотига асосланиб, Kruz.uz хабар бермоқда.

Шунингдек, вазирлик томонидан Қорақалпоғистон телерадиокомпанияси билан ҳамкорликда Қорақалпоғистон Республикаси Адлия вазирлиги фаолиятида соҳа йўналишлари бўйича амалга оширилаётган ишлардан аҳолини хабардор қилиш ҳамда уларни қизиқтираётган савол ва таклифларига жавоб бериш мақсадида, телевидениеда “Халқ минбари” телекўрсатуви ташкил этиб, унда фуқаролар билан тўғридан-тўғри мулоқот амалга оширилмоқда.