Эрон якшанба, 26 февраль куни Форс кўрфази ва Ҳинд океанида ҳарбий-денгиз машқларни бошлади, деб ёзмоқда Daily Mail ҳарбий-денгиз қўмондонлиги баёнотига асосан.

Машқлар Ҳормуз бўғози, Уммон кўрфази ва Ҳинд океанининг шимолий қисмида бўлиб ўтади.

АҚШ президенти Дональд Трамп ўтган ойда ўз лавозимига киришганидан сўнг, Эрон билан қаттиқ позицияда бўлишга ваъда берган ҳамда 29 январь куни баллистик ракета синовидан сўнг Ислом Республикасини “ўт билан ўйнашаётгани” ҳақида огоҳлантирди.

Аввалроқ Эронда АҚШ санкцияларидан кейин ҳарбий машқлар бошлангани ҳақида хабарлар берилганди.