Россиянинг Петербург шаҳридаги қурилиш майдонларидан бирида яна бир бахтсиз ҳодиса рўй бериши оқибатида ўзбекистонлик ёш муҳожир ҳалок бўлди. У янги қурилаётган кўп қаватли уйнинг 21-қаватидан тушиб кетган.

"Оперативное прикрытие" янгиликлар агентлигининг хабар қилишича, қурувчининг жонсиз танаси 25 февраль куни эрталаб соат 10да "Северная Долина" тураржой комплекси ҳудудида топилган. Воқеа жойига етиб келган мутахассислар марҳум жасадида баландликдан тушиб кетишдан сўнг кузатиладиган жароҳатларни аниқлашган. 

Дастлабки маълумотларга кўра, Ўзбекистон фуқароси 21-қаватдан тушиб кетган. Бу фожиага нима сабаб бўлганини ҳуқуқ-тартибот идоралари ходимлари текширмоқда.