Туркия ҳукумати мухолифатчи Фатҳулла Гулен АҚШдан Канадага қочиб кетишидан хавотирланмоқда, деб маълум қилди Туркия бош вазири ўринбосари Нўъмон Куртулмуш.

"Бизда АҚШда бўлган FETO раҳбари (Фатҳулла Гулен) Канадага қочиб кетиши мумкинлиги ҳақида жиддий разведка маълумотлари мавжуд. У томондан Канадада ерлар сотиб олинган ва бу ерлар ёрдамида у ерда яшаши мумкин. Биз бу маълумотни АҚШга топширдик ва улар тегишли барча чораларни кўришларига умид қиламиз", деб айтди  Куртулмуш журналистларга.

Туркия ҳукумати 2016 йил 15 июлга ўтар кечаси содир этилган давлат тўнтарувига уринишнинг ташкиллаштирилишида Гуленни айблаб келади. Гуленнинг ўзи бу айбловларни инкор қилиб келади.