Саудия Арабистони подшоҳи Салмон бин Абдул Азиз ал Сауд март ойи бошида Индонезияга ташриф буюради. Унинг ушбу хорижий сафардаги юки 450 тоннани ташкил этади, деб ёзмоқда Jakarta Post газетаси.

Аввалроқ, Саудия Арабистони подшоси Индонезия пойтахти Жакарта ва Бали оролига ташриф буюриши хабар қилинган эди. У билан бирга дунёдаги энг кўп мусулмон аҳоли истиқомат қилувчи давлатга 1,5 минг киши саёҳат қилади. 

Нашрнинг ёзишича, 63 тонна юк Жакартага келтирилади, қолган 396 тоннаси Бали оролига етказилади. Улар орасида иккита Mercedes-Benz S600 автомашинаси ҳам бор. Улар аллақачон оролда подшоҳни кутмоқда. Шу билан бирга, юклар рўйхатида иккита электрли лифтни ҳам кўриш мумкин. 

Саудия подшосига Жакартада 178 киши, Балида 394 киши хизмат кўрсатади. 

Ташриф 1-9 март кунлари амалга ошади.