Rossiya prezidenti Vladimir Putin Bishkekka tashrif bilan keldi. Bu haqda TASS xabar bermoqda.
Qirg‘iziston poytaxti Rossiya yetakchisining turnesidagi uchinchi va so‘nggi nuqta bo‘ladi. Bundan avval u Olmaota va Dushanbega ham tashrif buyurgandi.
Ta'kidlanishicha, Markaziy Osiyoga tashrif Rossiyaning Qozog‘iston, Tojikiston va Qirg‘iziston bilan diplomatik munosabatlari o‘rnatilganiga 25 yil to‘lishi munosabati bilan ro‘y berdi.
Putin Bishkekda Qirg‘iziston prezidenti Almazbek Atamboyev bilan muzokaralar o‘tkazishni rejalashtirgan.
