Россия президенти Владимир Путин Бишкекка ташриф билан келди. Бу ҳақда ТАСС хабар бермоқда.

Қирғизистон пойтахти Россия етакчисининг турнесидаги учинчи ва сўнгги нуқта бўлади. Бундан аввал у Олмаота ва Душанбега ҳам ташриф буюрганди.

Таъкидланишича, Марказий Осиёга ташриф Россиянинг Қозоғистон, Тожикистон ва Қирғизистон билан дипломатик муносабатлари ўрнатилганига 25 йил тўлиши муносабати билан рўй берди.

Путин Бишкекда Қирғизистон президенти Алмазбек Атамбоев билан музокаралар ўтказишни режалаштирган.