Rossiya Qirg‘iziston byudjyetini barqarorlashtirish uchun 225 mln dollar ajratdi

Rossiya prezidenti Vladimir Putin Rossiya-Qirg‘iziston muzokaralari yakuni bo‘yicha ushbu mamlakatga byudjyetni barqarorlashtirish uchun grantlarning umumiy miqdori 225 million dollarni tashkil etganini xabar berdi. Bu haqda «Rossiya 24» telekanali xabar bermoqda.

«Rossiya Qirg‘izistonga byudjyetni barqarorlashtirish maqsadida ko‘mak bermoqda: tegishli grantlarning umumiy miqdori bugungi kunda 225 million dollarni tashkil qildi», - dedi u.

Putinning aniqlik kiritishicha, Rossiya Qirg‘izistonga shuningdek Yevroosiyo iqtisodiy ittifoqi talablariga moslashish jarayonida faol ravishda yordam bermoqda.

«Qirg‘iz tomoniga 200 million dollarlik yordam taqdim etildi, shu jumladan bojxona infratuzilmasi obektlarining modernizatsiyasi va chegara oldidagi punktlarni tartibga keltirish uchun», - qo‘shimcha qilib o‘tdi u.

Putinning ta'kidlashicha, respublikada amaldagi Rossiya va Qirg‘izistonning rivojlanish fondi tufayli umumiy qiymati 200 million dollardan ko‘proq bo‘lgan loyihalar amalga oshirilmoqda.