28 февралда Сербиянинг Крагуевац шаҳридаги мудофаа таъмирлаш-техник заводидаги портлашлар ва ёнғин камида 20 кишининг турли жароҳатлар олишига олиб келди, деб хабар бермоқда Сербия радио ва телевидениеси.     

Унинг маълумотларига кўра, биринчи портлаш маҳаллий соат билан 12:30 да юз берган, бироз ўтиб эса яна бир портлаш содир бўлган.

"Завод цехларидан бирида ёнғин чиққандан кейин ўқ-дорилар портлай бошлаган. Ёнғин ўқ-дориларни зарарсизлантириш линияси жойлашган А28 объектида бошланган", деб маълум қилинди хабарда.  

Таъкидланишича, жабрланганлар шаҳардаги клиник марказга етказилганлар. 

Воқеа жойида ўт ўчирувчилар, ҳарбийлар ва корхона ходимлари иш олиб боришган. Воқеа жойига Сербия мудофаа вазири Зоран Жоржевич ва унинг моддий захиралар бўйича ёрдамчиси етиб келишган.