Tramp ma'lumotlar sizib chiqishida Obamani aybladi

AQSh prezidenti Donald Tramp Fox News telekanaliga bergan intervyusida OAVga uni obro‘sizlantirishni maqsad qilgan ma'lumotlar sizib chiqishi ortida sobiq prezident Barak Obama va uning odamlari turganini ma'lum qildi.

«O‘ylashimcha, prezident [sobiq] Obama bu ishlarning ortida turibdi, sababi uning odamlari bunga aniq aloqador. Sizib chiqqan ma'lumotlardan ba'zi biri ehtimol, aynan shu guruhdan tarqatilmoqda», - dedi Tramp.

Amerika yetakchisining aniqlik kiritishicha, u “juda jiddiy sizib chiqishlar” haqida gapirgan hamda ular mamlakat milliy xavfsizligiga o‘ta salbiy ta'sir ko‘rsatmoqda. Shu bir birga, Tramp gap aynan qaysi sizib chiqqan ma'lumotlar haqida ketayotganiga oydinlik kiritmadi.

Shuningdek, uning ta'kidlashicha, hech kim hech qachon AQSh siyosatining sahna ortida nimalar ro‘y berayotganini aniq bilmaydi.

Trampning fikricha, uning siyosiy faoliyatiga tegishli ma'lumotlarning sizib chiqishi, aftidan davom etadi.

Avvalroq Donald Tramp tvitter’dagi sahifasida FQB davlat ma'lumotlarining OAVga sizib chiqishini to‘xtatib qola olmayotgani tufayli darg‘azab bo‘lgandi.