Франция президентлигига энг йирик мухолиф партия – “Республикачилар”дан номзод бўлган Франсуа Фийон президентлик пойгасидан чиқмаслиги ҳақида маълум қилди. Бу унга айбловлар қўйилиши мумкинлигига юз берди.

"Ҳа, мен президентлик лавозими учун номзод бўлиб қоламан", - дея айтиб ўтди Фийон журналистлар олдидаги чиқишида.

Бироқ Figaro газетасининг партиядаги манбаларга асосан хабар беришича, у сайловолди пойгасидан воз кечиши ҳам мумкин. 

Шу билан бирга, собиқ ҳукумат раҳбарининг ўрнига ким номзод бўлиши номаълум. Нашр маълумотига кўра, Фийон ўз ўрнини бошқа бир собиқ бош вазир - Ален Жюппега таклиф қилишга тайёр, бироқ бунга мамлакат собиқ президенти Николя Саркози қарши чиқмоқда.

Фийоннинг ўзи 15 март куни судга келиш ҳақида чақирув хати олганини тасдиқлади ҳамда Франция президенти ким бўлишини фақатгина сайловчилар ҳал қилиши кераклигини таъкидлаб ўтди.

Фийон ва унинг рафиқасига нисбатан текширув ишлари январь ойи охирида бошланди. Собиқ бош вазир агарда тергов ишига жалб этилса, сайловлардан ўз номзодини олишини маълум қилганди, бироқ бу ҳолат мамлакатда режим инқирози бошланишига олиб келишини кўп бора иддао қилган.

Пенелопа Фийон билан боғлиқ можаро у саккиз йил давомида парламентарий Франсуа Фийоннинг ёрдамчиси сифатида иш ҳақи олгани ҳақида хабарлар эълон қилинганидан сўнг авж олди. У парламентарийлар хизматини тўлашга мўлжалланган жамғармалардан маблағ олган. Худди шундай айбловлар Фийоннинг икки фарзандига ҳам тегишли бўлди.

Аввалроқ Франсуа Фийоннинг рафиқаси Пенелопа Фийон қўлга олингани ҳамда қамоққа жойлаштирилгани ҳақида хабарлар тарқалганди.