Қамоқда ИШИДга одамларни ёллаган ўзбекистонлик 30 йилга озодликдан маҳрум этилди

Жаҳон 01 Март 2017 20235

Суд Россиянинг Тамбов вилоятида жойлашган колонияда бўлган Ўзбекистон фуқаросини 29 йил ва 10 ойлик колония жазосига маҳкум этди. У жазони ижро этиш муассасасидаги мусулмонларни ИШИД сафига ёллаган.

Федерал хавфсизлик хизмати маълумотига кўра, Ўзбекистон фуқароси 1989 йилда туғилган Г.Отахонов 17 ёшидан “Таблиги жамоат” халқаро диний ташкилотга аъзо бўлган шахслар билан алоқада бўлган. 2011 йилда у Ўзбекистонда жиноий жавобгарликка тортилишдан қочиб Москва вилоятида яшай бошлайди. ФХХ бошқармасининг таъкидлашича, шу билан бирга, Отахонов “Таблиги жамоат”нинг Москва шаҳридаги бўлинмаси таркибига кирган, бу ташкилот эса Россияда тақиқланган.

“У “жамоат”нинг бошқа иштирокчилари билан бирга ИШИДга содиқлигини билдирган. Унинг вазифасига Россия Федерацияси ҳудудида сохта пул қоғозларни ўтказиш бўйича функциялар кирган. Бундан тушган маблағлар эса ИШИДни молиялаштиришга кетган”, - дейилади ФХХнинг ҳудуд бўйича бошқармаси хабарида.

2013 йилнинг январида Отахонов Владимир вилоятида қўлга олинди ҳамда сохта пул ёки қимматли қоғозларни тайёрлаш, сақлаш, олиб ўтиш ёки ўтказиш ҳамда сохта ҳужжатдан фойдаланиш моддалари бўйича жавобгарликка тортилди ва 3 йилга умумий тартибдаги колонияга ҳукм қилинди. 2014 йилда у Тамбовнинг Советский тумани суди томонидан сохта пулларни тайёрлаш, сақлаш ва ўтказишда яна айбдор деб топилди, ҳамда тўрт йилга умумий тартибдаги колонияга ҳукм қилинди.

“Тамбов вилояти ҳудудидаги жазони ижро этиш муассасаларида бирида у Тожикистон фуқаролари билан танишиб қолади ҳамда уларни ИШИД томонида жанговар ҳаракатларда иштирок этишга даъват қила бошлайди. У камерадошларини “ғайридинлар билан уруш” олиб бориш, бутунжаҳон халифатини қуриш кераклигига ишонтирмоқчи бўлган ҳамда Сурия ва Ироқ ҳудудларида жанг олиб бораётган шахслар ҳақида видеороликлар кўрсатган”, - деб хабар берган ФХХ.

Куч маҳкамаси маълумотига кўра, Отахонов Тожикистоннинг уч нафар фуқаросига ИШИДга содиқлик билдиришни таклиф қилиб, озодликка чиқарилишларидан аввал Россия бўйлаб ҳаракатланиш йўналишлари, беркиниш усуллари, шунингдек уларга Сурияга боришда ёрдам бериши мумкин бўлганлар ҳақида айтиб берган. Тожикистон махсус хизматлари билан ўзаро ҳамкорликда ёлланган шахслар қўлга олинди, 2016 йилнинг февралида эса ФХХ Отахоновга нисбатан “террорчилик фаолиятига кўмак бериш” моддаси бўйича жиноят иши қўзғатди.

“Москва округ ҳарбий суди томонидан Отахонов Г.З. айбдор деб топилди... унга олти йил муддатга озодликдан маҳрум этиш жазоси тайинланди... Жиноятларни умумлаштирган ҳолда Отахонов Г.З.ни 29 йил ва 10 ойга озодликдан маҳрум этиш белгиланди. У жазо муддатини қаттиқ тартибдаги колонияда ўтайдиган бўлди”, - дейилади хабарда.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 12513 Lifestyle
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 26635 Жаҳон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 46345 Жамият
Кун.uz офис изламоқда
15:48 / 06.08.2017 47379 Lifestyle
Ўзбекистон ва Қозоғистон ўртасида биринчи марта Ҳарбий ҳамкорлик режаси имзоланди
АҚШда ўлмайдиган бактериялар солинган ҳаво шарлари учирилади
15:18 507 Жаҳон
22 август куни Ўзбекистонда ҳаво ҳарорати юқори бўлади
АҚШ элчихонаси россияликларга виза беришни тўхтатади
14:53 2014 Жаҳон
Брюсселда автомобилни пиёдаларга қарата ҳайдаб боришга уринган ҳайдовчи ушланди
14:03 1868 Жаҳон
Комилов Деҳлида Ҳиндистон фан ва маданият арбоблари билан учрашди
Кўпроқ янгиликлар