Сурия араб республикаси қўшинлари  ИШИД жангариларидан Пальмирадаги муҳим стратегик аҳамиятга эга тарихий қалъани тортиб олди. Бу ҳақда ҳарбий манбасига асосланган ҳолда РИА Новости агентлиги хабар тарқатди.

Бундан олдинроқ, Сурия армияси Пальмира атрофида шафқатсиз жангларга киришгани хабар қилинганди.

Суриялик ҳарбийлар Пальмирага олиб борувчи йўлларда назорат ўрнатган.

Бундан ташқари, Сурия қўшини Пальмира атрофида ИШИДнинг 9 нафар худкуш террорчиси бўлган 2та зирҳли машинани бартараф этган.

Ҳарбий манба шаҳар яқин вақт ичида ИШИД жангариларидан буткул тозаланишига умид билдирган.