«Ўзавтосаноат» акциядорлик компанияси ахборот хизмати  GM Uzbekistan АЖ томонидан янги кўринишдаги Matiz автомобили ишлаб чиқарилмаганини маълум қилди. Компания бу орқали Matiz’нинг янги қиёфаси ҳақида тарқалган миш-мишлар бўйича раддия берди, кейинги кунларда ижтимоий тармоқларда шу бўйича фото-материаллар тарқалаётганди.

«GM Uzbekistan АЖ жамоатчиликка шуни маълум қиладики, чиқарилаётган маҳсулотлар, ўтказилаётган акциялар ва бошқа тадбирлар ҳақидаги ишончли ахборот фақат www.gmuzbekistan.uz ва www.uzavtosanoat.uz расмий сайтларида, шунингдек, Facebook ижтимоий тармоғидаги расмий саҳифада эълон қилинади.

Ижтимоий тармоқлардаги бошқа саҳифаларда тарқатиладиган хабарлар ва маълумотлар норасмийдир ва GM Uzbekistan фаолиятига алоқадор эмас», — дейилган компания хабарида.