Ўзбекистонда иккинчи бор Халқаро ёшлар саммити бўлиб ўтади. Шу йилнинг 24 – 26-март кунлари Ўзбекистон Инглиз тили ўқитувчилари уюшмаси (UzTEA) қошида ташкил этилган “Ёш етакчиларни қўллаб-қувватлаш лойиҳаси” доирасида Халқаро ёшлар саммити ўтказилади.

Ўтган йилнинг 25-27 март кунларида Ўзбекистон талаба ёшлари ва халқаро вакиллар иштирокида “Миллий қадриятлар, келажагимиз пойдеворидир” мавзусида илк бор ишчи тили инглиз тили бўлган Саммит ўтказилганди. Тадбирда қатнашиш учун 1000дан ортиқ ариза ва мурожаатлар келиб тушган ва улардан 300 нафари саралаб олинган.

Бу йилги Саммитга фаол қизиқиш юқоридаги рақамларнинг янада ижобий томонга ўзгаришига сабаб бўлди. 24 февраль санасига қадар давом этган қабул жараёни мобайнида 2099 нафар халқаро ва маҳаллий қизиқувчи ёшлар томонидан аризалар келиб тушгани қайд этилди.

Аризалар сараланиб, муносиб топилган ёшларга жавоб хатлари жўнатилган. Халқаро Ёшлар Саммити доирасидаги энг сўнгги янгиликлардан хабардор бўлиш учун тадбирнинг расмий сайти - iys.yldp.uz , Facebook (https://www.facebook.com/TashkentYouthSummit/) ва Instagram (https://www.instagram.com/iystagramuzb/) тармоқларидаги саҳифаларини кузатиб бориш мумкин.

 ЎзМУ журналистика факультети талабаси Мирзаёр Эркинов тайёрлади