АҚШда навбатдаги можаро: Бош прокурор ўтган йилда Россия элчиси билан 2 марта гаплашган

Жаҳон 02 Март 2017 6127

АҚШ бош прокурори Жефф Сешнс ўтган йилда, мамлакатда президентлик сайловидан олдинги сайловолди кампанияси вақтида Россиянинг Вашингтондаги элчиси Сергей Кисляк билан икки марта мулоқот қилган. Бу ҳақда The Washington Post хабар тарқатди.

Нашрнинг хабарига кўра, Жефф Сешнс ҳали сенаторлигида, ўтган йилнинг сентябрида ўз офисида Кисляк билан телефон орқали мулоқот қилган. Яна бир учрашув эса 2016 йил июлида ўтказилганди.

Қайд этилишича, Сешнс бу учрашувлар ҳақида АҚШ Конгрессидаги тинглов вақтида хабардор қилмаган. Конгрессда ундан Россия вакиллари билан алоқалари бор-йўқлигини сўрашганди.

Эслатиб ўтамиз, ўтган ойда АҚШ президентининг миллий хавфсизлик масалалари бўйича маслаҳатчиси Майкл Флинн лавозимга тайинланишидан олдин, ўтган йил декабрида Россия элчиси билан мулоқот қилгани ортидан юзага келган можаро туфайли истеъфога чиққанди.

9 февраль куни АҚШ сенати Жефф Сешнсни мамлакат адлия вазири ва бош прокурор этиб тасдиқлаганди. Унинг номзодини 52 сенатор қўллаб-қувватлаган, 47 киши қарши чиққанди. Сешнс 22 кишидан иборат Трамп маъмуриятининг сенат томонидан маъқулланган саккизинчи аъзоси бўлганди.

30 январь куни Обама маъмурияти томонидан тайинланган Салли Йейтс Адлия вазири ва бош прокурор лавозимларини бажаришдан четлатилганди. У президент Дональд Трампнинг миграция ҳақидаги фармонини судда ҳимоя қилишдан бош тортганди. Ўз навбатида, Оқ уй Йейтсни хоинликда айблаганди.

2016 йил февралида, сайловолди жараёнида Сешнс Трампни қўллаб-қувватлаган биринчи сенатор бўлган эди.

Кун янгиликлари
Дайжест: Янги қонун, лавозимий ўзгаришлар, Европага хавф солаётган тошқин ва куннинг энг муҳим хабарлари
21:28 / 27.03.2017 6061 Жаҳон
Қўқон нима қилсин – 22 яшар ўғли лоқайдликнинг қурбони бўлди
15:58 / 27.03.2017 36694 Жамият
Тадбиркорлар орасида шов-шувларга сабаб бўлаётган бизнес-семинарга 6 кун қолди. Ўтказиб юборманг!!!
15:07 / 27.03.2017 4779 Жамият
Трамп қизи Иванкани муҳим анжуманга жўнатишга қарор қилди
00:39 1049 Жаҳон
Чавушўғлу Европанинг фашизмга ботганини айтди
23:54 / 27.03.2017 1338 Жаҳон
Фидель Кастронинг синглиси ҳаётдан кўз юмди
23:45 / 27.03.2017 1817 Жаҳон
Ачинарли ҳақиқат: дунёдаги энг ифлос дарёлар
23:40 / 27.03.2017 2866 Lifestyle
Перуда тошқин оқибатида бутун бошли шаҳар сув остида қолди
23:00 / 27.03.2017 2196 Жаҳон
Путиннинг махфий лимузини Швецияда пайқалди
22:47 / 27.03.2017 10263 Технология
Қишлоқ хўжалигига доир саволларингиз борми? Йўлланг!
22:24 / 27.03.2017 2451 Жамият
Кўпроқ янгиликлар